Monday, July 12, 2010

മഴകടക്കുന്നവര്‍


പുഴ കടക്കുംപോലെ
ചിലര്‍ മഴ കടക്കാറുണ്ട്,
കടലോളം ആഴമുള്ള മഴ!

മിന്നലിന്റെ തീച്ചുംബനതില്‍
പൊള്ളിക്കരയുന്ന ആകാശം,
ഉപ്പിന്റെ തിരകളാല്‍
ഏറ്റെടുക്കപ്പെടുമ്പോളാണ്
മഴ, പൂര്‍ണ്ണമായും കടലാവുന്നത്.

തീരെയും ആഴമില്ലാത്ത മനസ്സ്
ആഴങ്ങള്‍ മാത്രമുള്ള
കടലുകാണുമ്പോള്‍ ചോദിക്കും,
'ആഴത്തിനും പരപ്പിനുമിടയില്‍
കടലാഴങ്ങളോളം മുറിവുള്ള
ഒരു മനസ്സല്ലാതെയാരാണ്
ഇത്രയും കരഞ്ഞുപ്പുനിറയ്ക്കുക'?!

ഓര്‍മ്മകളുടെ
നിഴല്‍പ്പൊട്ടുവീണ
വഴിനടക്കുമ്പോള്‍ സൂക്ഷിക്കണം,
പാദങ്ങളെ ക്കാള്‍ വേഗത്തില്‍
മനസ്സ് മുറിയും.

മഴകടക്കുന്നവര്‍ക്ക് കൂട്ടിന്
എന്നുമൊരു തോണിയുണ്ടാവണം;
എപ്പോഴാണ് മഴ,
ആഴമുള്ള കടലാവുക എന്ന്
ആര്‍ക്കും പറയാനാവില്ല.!!

1 comment:

Followers

About Me

My photo
പാതിയില്‍ മുറിഞ്ഞു മിടിക്കുന്ന ഇന്നലത്തെ സ്വപ്‌നങ്ങള്‍..