Thursday, December 30, 2010

സ്വപ്നം



നഷ്ടപ്പെടുമ്പോള്‍
നരകങ്ങള്‍ മാത്രം
ശേഷിപ്പിക്കുന്ന ഒരു
സ്വര്‍ഗ്ഗം!

Wednesday, December 29, 2010

സഹ്യം അസഹ്യം എന്നിങ്ങനെ

ഇഷ്ടത്തിന്റെ
ഒറ്റ മരത്തണലിലാവാം
ജീവിതത്തിന്റെ പച്ച,
മഴകളുടെ ഓര്‍മ്മ പെയ്യുന്ന
തണലുകളില്‍.!



നാളെ വിരിയാനുള്ള
സൂര്യകാന്തിയുടെ സ്വപ്നഭംഗി
ഇന്നത്തെ ഉറക്കം കെടുത്തും.
സ്വപ്നങ്ങളിലേക്ക്
ഏറിയേറി വരുന്ന ദൂരം
കാത്തിരിപ്പിന്റെ
ക്ഷമ പഠിപ്പിക്കും.
ശരിയാണ്,
ഒറ്റയ്ക്ക് നടക്കുന്നവളെ കണ്ട്‌
നാളെയും ഉറക്കം ഞെട്ടും.

എങ്കിലും,
സ്വപ്നങ്ങളെ സഹിക്കാം;
കിനാവിന്‍ ചിത്രപുസ്തകത്തില്‍
നീയെന്‍ മയില്‍‌പ്പീലിയായ്
ഉറങ്ങുക,
കാലത്തിന്‍ വയിലേല്‍ക്കുകില്‍,മാത്ര-മുണരുക.

* * *

പരസ്പരം പറഞ്ഞില്ലെങ്കിലും
അസഹ്യതകള്‍ എന്നും
അസഹ്യതകള്‍ തന്നെയാണ്!

Monday, December 27, 2010

ഇടം


ഇഷ്ടങ്ങളൊക്കെയും
ദു:സ്വപ്നങ്ങളായ്
കണ്ടുകഴിഞ്ഞവ!

ജീവിതമേ-
ദയവായ് പറയു..
കയറിവരൂ എന്നോ,
ഇറങ്ങി പൊയ്ക്കൊള്ളു
എന്നോ പറയുന്നു
തുറന്നിട്ട വാതിലുകള്‍?

ഇടറി, ഈ
പടിയില്‍ നില്‍ക്കുമ്പോള്‍
അകത്തോ
അതോ പുറത്തോ എന്നിടം?

ഇടയ്ക്കിടെ,
നറും ചൂടായ് മിടിക്കുമീ
കണ്ണുനീര്‍ നനവിനെ
വിശ്വസിക്കെന്നോ
വിശ്വസിക്കല്ലെന്നോ
പറയുന്നു സ്വജീവിതം?

വഴികളേതാണ്?
-വന്നത്‌?
-ഇനി തെളിക്കേണ്ടത്‌?

മനസ്സിലാകുന്നില്ല!
മനസ്സിലാകുന്നേ ഇല്ല!

Friday, December 24, 2010

hmm


തിരക്കാണ് പോലും.
സ്വപ്നം കാണാന്‍ വരെ
നേരമില്ലാത്തത്ര..!!

Monday, December 6, 2010

സ്വപ്നജീവികള്‍ ഉണ്ടാകുന്നത്

'എല്ലാവര്‍ക്കും വേണം;
ആര്‍ക്കും വേണ്ട' എന്ന്

ഒറ്റയാകലിന്റെ
സുഖമുള്ള സങ്കടം.

അപ്പൂപ്പന്‍ താടികള്‍ പാറുന്ന
ഭൂതകാലത്തിനുമേല്‍
വിഡ്ഢി സ്വപ്നങ്ങളുടെ
അസഹ്യ സങ്കടം.

സങ്കടങ്ങള്‍മെനഞ്ഞ്
സ്വപ്നങ്ങള്‍ മാത്രമുള്ള
ഒരു ജീവിയായി
പരിണമിക്കുന്നു.


സ്വപ്നജീവികള്‍
ഉണ്ടാകുന്നത്
ഇങ്ങനെയുമാവാം!

Thursday, December 2, 2010

പട്ടം


ചരടുപൊട്ടിച്ച്
കീറിക്കളഞ്ഞെങ്കിലും
ഏതു കാറ്റാണെന്നെ
നിന്റെ ആകാശങ്ങളില്‍
അലയാന്‍ കൊണ്ടിട്ടത്!!

ഏതു കാന്തമാണ്
ഉന്നം പിഴയ്ക്കാതെ
നിന്നിലേയ്ക്കു മാത്രം
തിരിച്ചിറക്കുന്നത്‌!!

Followers

About Me

My photo
പാതിയില്‍ മുറിഞ്ഞു മിടിക്കുന്ന ഇന്നലത്തെ സ്വപ്‌നങ്ങള്‍..