Wednesday, December 29, 2010

സഹ്യം അസഹ്യം എന്നിങ്ങനെ

ഇഷ്ടത്തിന്റെ
ഒറ്റ മരത്തണലിലാവാം
ജീവിതത്തിന്റെ പച്ച,
മഴകളുടെ ഓര്‍മ്മ പെയ്യുന്ന
തണലുകളില്‍.!



നാളെ വിരിയാനുള്ള
സൂര്യകാന്തിയുടെ സ്വപ്നഭംഗി
ഇന്നത്തെ ഉറക്കം കെടുത്തും.
സ്വപ്നങ്ങളിലേക്ക്
ഏറിയേറി വരുന്ന ദൂരം
കാത്തിരിപ്പിന്റെ
ക്ഷമ പഠിപ്പിക്കും.
ശരിയാണ്,
ഒറ്റയ്ക്ക് നടക്കുന്നവളെ കണ്ട്‌
നാളെയും ഉറക്കം ഞെട്ടും.

എങ്കിലും,
സ്വപ്നങ്ങളെ സഹിക്കാം;
കിനാവിന്‍ ചിത്രപുസ്തകത്തില്‍
നീയെന്‍ മയില്‍‌പ്പീലിയായ്
ഉറങ്ങുക,
കാലത്തിന്‍ വയിലേല്‍ക്കുകില്‍,മാത്ര-മുണരുക.

* * *

പരസ്പരം പറഞ്ഞില്ലെങ്കിലും
അസഹ്യതകള്‍ എന്നും
അസഹ്യതകള്‍ തന്നെയാണ്!

5 comments:

  1. ഇഷ്ടത്തിന്റെ
    ഒറ്റ മരത്തണലിലാവാം
    ജീവിതത്തിന്റെ പച്ച,

    നല്ല വരികൾ ആശംസ്‌ കൾ

    ReplyDelete
  2. സ്വപ്നങ്ങളെ സഹിക്കാം;
    കിനാവിന്‍ ചിത്രപുസ്തകത്തില്‍
    നീയെന്‍ മയില്‍‌പ്പീലിയായ്
    ഉറങ്ങുക,
    കാലത്തിന്‍ വയിലേല്‍ക്കുകില്‍,മാത്ര-മുണരുക.

    gud line mashee

    ReplyDelete
  3. നല്ല കവിത.
    അവസാന വരികള്‍ പ്രത്യേകിച്ചും.

    ReplyDelete

Followers

About Me

My photo
പാതിയില്‍ മുറിഞ്ഞു മിടിക്കുന്ന ഇന്നലത്തെ സ്വപ്‌നങ്ങള്‍..