Friday, November 18, 2011

സ്വപ്നങ്ങളുടെ വാതില്‍ പതിയെ ചാരി ഇറങ്ങിപ്പോവുന്നവര്‍..

പ്രണയം:
പരസ്പരം വെറുപ്പിക്കാന്‍
സാഹസപ്പെട്ടു 
നമ്മില്‍ പടര്‍ന്നേറിയ
ഒറ്റവള്ളി..

ജീവിതം:
ഇഷ്ടത്തിന്റെ ആഴങ്ങളില്‍നിന്നും
വെറുപ്പിന്റെ കരകളിലേയ്ക്കുള്ള
നമ്മുടെ
ദുരിത  യാത്രകള്‍..!

സ്വപ്‌നങ്ങള്‍:
ഉള്ളിലെ ചോലവനത്തില്‍
നിലാവിറങ്ങി
കണ്ടെടുത്ത
കുഞ്ഞുകുഞ്ഞുപൂവുകള്‍
മൊട്ടുകള്‍.
കരിഞ്ഞുപോയവ..
വിരിയാനുള്ളവ..

ഇഷ്ടം:
സഹയാത്രയില്‍,
എത്ര ഇറങ്ങിപ്പോയാലും
നിഴലായ് കൂടെവരുമ്പോള്‍
തിരികെയെത്താതെ
എങ്ങോട്ടു പോകുവാന്‍?
ദൂരത്തിന്റെ
അതിരുകളില്‍ നിന്നും
ഇനി?



Followers

About Me

My photo
പാതിയില്‍ മുറിഞ്ഞു മിടിക്കുന്ന ഇന്നലത്തെ സ്വപ്‌നങ്ങള്‍..